A Deputación de Lugo abre o próximo luns, 25 de marzo, o prazo de inscrición para participar no novo programa de actividades gratuítas que organiza co obxectivo de fomentar o lecer saudable e a educación ambiental nas reservas da biosfera Terras do Miño e Os Ancares Lucenses e Montes de Cervantes, Navia e Becerreá, xestionadas pola institución provincial. O novo calendario inclúe en total 15 propostas con máis de 420 prazas para todos os públicos, que se desenvolverán no segundo trimestre do ano, do 8 de abril ao 28 de xuño.