![](https://terrasdomino.deputacionlugo.org/wp-content/uploads/2023/09/2020_01_02_obradoiro-nadal.jpg)
Este mércores deu comezo o programa de actividades de educación ambiental sobre a reserva da biosfera Terras do Miño organizado pola Deputación de Lugo para o primeiro trimestre do ano cun obradoiro infantil de Nadal no Centro de Interpretación Terras do Miño que se prolongará ata o sábado. Os nenos e nenas participantes desenvolven actividades que promoven a reciclaxe e o coidado do medio. Entre outras tarefas, elaboraron coroas reais, escribíronlles as cartas ás súas Maxestades e fixeron centros de mesa para o día de Reis, todo con material reciclado.